[GAELIC-L] An Reo Mór

[Marion Gunn]

An reo is mó in Éirinn le beagnach leathchéad bliain (.i. ó Eanáir 1963)!

Teocht (recte "fuacht"?) faoi -12 céim i lár na hÉireann aréir agus faoi
-21 céim (de réir mar a chloisim) thall in Innse Gall. Sneachta ag
titim i gcónaí i mBaile an Bhóthair agus mé á scríobh seo (agus
tuilleadh sneachta fós le teacht, más tuar ar bith dath na spéire anseo).

Ó, a reo, 'sé do bheatha abhaile, anois ar theacht an earraigh.
:-)
mg
--
Marion Gunn * eGteo (Estab.1991)

27 Páirc an Fhéithlinn, Baile an

Bhóthair, An Charraig Dhubh,

Co. Átha Cliath, Éire/Ireland

* ***@egt.ie * ***@egt.ie *

[Marion Gunn]

É sin agus salann ón inneall nite gréithre a chur trí luaithreach na
hoíche cheana le cur in aice leis an ndoras cúil, áit a bhfuil rampa a
chuireas isteach do chathaoireacha rothaí m'athar agus mo mháthar :
ábhar salach (abar! clabar!), ach is fearr salachar ar leic an dorais
ná sleamhnán.
:-)
mg

Réitíonn an saghas seo aimsire go breá liomsa, a Phanu. Ag dul amach
ar ball chun an cosán ar aghaidh oifig eGteo amach a scuabadh. Áit ar
bith nár ghlac lucht gnó/cónaitheoirí an cúram sin orthu féin, tá na
cosáin contúirteach, gan aon agó. É sin ráite, admhaím gur dheineas
éagóir ar ball ar an dream thiar níos luaithe inniu. Táim tar éis
glaoch orthu lena stuamacht a mholadh, óir is follas gur ag smaoineamh
ar shábháilteacht a gcuarteoirí a bhíodar! Mar sin féin, ba bhreá
liomsa a bheith i Maigh Eo an tseachtain seo, go háirithe ó fuaireas
ceamara digiteach i measc na mbronntanas a fuaireas ó mo mhuintir an
Nollaig bheag seo. Ag smaoineamh, ach go háirithe, ar mo mháthair
(nach maireann) agus sinne i Maigh Eo thart ar scór bliain ó shin, áit
a raibh a croí, i dtosach/lár na 1990í, ag scoileanna de chuid
Mherriman. Seo meamram daoibh, a chairde, gur i gcathair na Gaillimhe
a bheidh Scoil Mherriman i mbliana: fch. www.merriman.ie.
mg

Post by Marion Gunn
An reo is mó in Éirinn le beagnach leathchéad bliain (.i. ó Eanáir 1963)!

An bhfuil sé chomh dona sin in Éirinn féin???

...